ಶ್ರೀ ವಿಷ್ಣು ಸಹಸ್ರ ನಾಮ - ಇಷ್ಟಾರ್ಥ ಸಿದ್ಧಿಗಾಗಿ ಮಂತ್ರಗಳು

 ಅಪಾಯ ಕೋಟಿಗಳಿಗೆ ಉಪಾಯ ಒಂದೇ - ಹರಿನಾಮ : - ಶ್ರೀ ವಿಷ್ಣು ಸಹಸ್ರ ನಾಮ. 

(ಇಷ್ಟಾರ್ಥ ಸಿದ್ಧಿಗಾಗಿ ಮಂತ್ರಗಳು)

1. ಸಂಸ್ಕೃತಿ ಸಂವರ್ಧನ ಸ್ತೋತ್ರ - ಮಕ್ಕಳ ಯಶಸ್ಸಿಗಾಗಿ:

ಸರ್ವಗಃ ಸರ್ವವಿದ್ಭಾನುರ್ವಿಷ್ವಕ್ಸೇನೋ ಜನಾರ್ದನಃ |

ವೇದೋ ವೇದವಿದವ್ಯಂಗೋ ವೇದಾಂಗೋ ವೇದವಿತ್‌ ಕವಿಃ || ೧೪ ||

2. ಸಿದ್ಧಿಸಂಕಲ್ಪ ಸ್ತೋತ್ರ - ಸಂಕಲ್ಪ ಸಿದ್ಧಿಗಾಗಿ:

ಅಸಂಖ್ಯೇಯೋಽಪ್ರಮೇಯಾತ್ಮಾ ವಿಶಿಷ್ಟಃ ಶಿಷ್ಟಕೃಚ್ಛುಚಿಃ |

ಸಿದ್ಧಾರ್ಥಃ ಸಿದ್ಧಸಂಕಲ್ಪಃ ಸಿದ್ಧಿದಃ ಸಿದ್ಧಿಸಾಧನಃ || ೨೭ ||

3. ದಂಪತಿಗಳ ಅನೋನ್ಯತೆಗೆ:

ಭೂತಭವ್ಯಭವನ್ನಾಥಃ ಪವನಃ ಪಾವನೋಽನಲಃ |

ಕಾಮಹಾ ಕಾಮಕೃತ್ ಕಾಂತಃ ಕಾಮಃ ಕಾಮಪ್ರದಃ ಪ್ರಭುಃ || ೩೨ ||

4. ಉದ್ಯೋಗ ಪ್ರಾಪ್ತಿಗಾಗಿ:

ವ್ಯವಸಾಯೋ ವ್ಯವಸ್ಥಾನಃ ಸಂಸ್ಥಾನಃ ಸ್ಥಾನದೋ ಧ್ರುವಃ |

ಪರರ್ದ್ಧಿಃ ಪರಮಃ ಸ್ಪಷ್ಟಸ್ತುಷ್ಟಃ ಪುಷ್ಟಃ ಶುಭೇಕ್ಷೇಣಃ || ೪೨ ||

5. ದಾರಿದ್ರ್ಯನಾಶನ, ಧನಪ್ರಾಪ್ತಿಗೆ:

ವಿಸ್ತಾರಃ ಸ್ಥಾವರಸ್ಥಾಣುಃ ಪ್ರಮಾಣಂ ಬೀಜಮವ್ಯಯಮ್ |

ಅರ್ಥೋಽನರ್ಥೋ ಮಹಾಕೋಶೋ ಮಹಾಭೋಗೋ ಮಹಾಧನಃ || ೪೬ ||

6. ಐಶ್ವರ್ಯ ಪ್ರಾಪ್ತಿಗೆ:

ಶ್ರೀದಃ ಶ್ರೀಶಃ ಶ್ರೀನಿವಾಸಃ ಶ್ರೀನಿಧಿಃ ಶ್ರೀವಿಭಾವನಃ |

ಶ್ರೀಧರಃ ಶ್ರೀಕರಃ ಶ್ರೇಯಃ ಶ್ರೀಮಾನ್ ಲೋಕತ್ರಯಾಶ್ರಯಃ || ೬೫ ||

7. ವಿದ್ಯೆ ಪ್ರಾಪ್ತಿಗೆ:

ಮಹಾಬುದ್ಧಿರ್ಮಹಾವೀರ್ಯೋ ಮಹಾಶಕ್ತಿರ್ಮಹಾದ್ಯುತಿಃ |

ಅನಿರ್ದೇಶ್ಯವಪುಃ ಶ್ರೀಮಾನಮೇಯಾತ್ಮಾ ಮಹಾದ್ರಿಧೃಕ್ || ೧೯ ||

ಅಮಾನೀ ಮಾನದೋ ಮಾನ್ಯೋ ಲೋಕಸ್ವಾಮೀ ತ್ರಿಲೋಕಧೃಕ್ |

ಸುಮೇಧಾ ಮೇಧಜೋ ಧನ್ಯಃ ಸತ್ಯಮೇಧಾ ಧರಾಧರಃ || ೮೦ ||

8. ಸಂತಾನ ಪ್ರಾಪ್ತಿಗೆ:

ಅಣುರ್ಬೃಹತ್ ಕೃಶಃ ಸ್ಥೂಲೋ ಗುಣಭೃನ್ನಿರ್ಗುಣೋ ಮಹಾನ್ |

ಅಧೃತಃ ಸ್ವಧೃತಃ ಸ್ವಾಸ್ಯಃ ಪ್ರಾಗ್ವಂಶೋ ವಂಶವರ್ಧನಃ || ೯೦ ||

9. ಸರ್ವ ರೋಗ ನಿವಾರಣೆಗೆ:

ಪ್ರಮಾಣಂ ಪ್ರಾಣನಿಲಯಃ ಪ್ರಾಣಭೃತ್ ಪ್ರಾಣಜೀವನಃ |

ತತ್ತ್ವಂ ತತ್ತ್ವವಿದೇಕಾತ್ಮಾ ಜನ್ಮಮೃತ್ಯುಜರಾತಿಗಃ || ೧೦೩ ||

10. ಪಾಪ ನಾಶನಕ್ಕೆ:

ಆತ್ಮಯೋನಿಃ ಸ್ವಯಂಜಾತೋ ವೈಖಾನಃ ಸಾಮಗಾಯನಃ |

ದೇವಕೀನಂದನಃ ಸ್ರಷ್ಟಾ ಕ್ಷಿತೀಶಃ ಪಾಪನಾಶನಃ || ೧೦೬ ||

11. ಸುಖ ಪ್ರಸವಕ್ಕೆ:

ಶಂಖಭೃನ್ನಂದಕೀ ಚಕ್ರೀ ಶಾರ್ಙ್ಗಧನ್ವಾ ಗದಾಧರಃ |

ರಥಾಂಗಪಾಣಿರಕ್ಷೋಭ್ಯಃ ಸರ್ವಪ್ರಹರಣಾಯುಧಃ || ೧೦೭ ||

12. ಪ್ರೀತಿವರ್ಧನ ಸ್ತೋತ್ರ - ಕೌಟುಂಬಿಕ ಸಾಮರಸ್ಯಕ್ಕೆ:

ಸತ್ತ್ವವಾನ್‌ ಸಾತ್ತ್ವಿಕಃ ಸತ್ಯಃ ಸತ್ಯಧರ್ಮಪರಾಯಣಃ |

ಅಭಿಪ್ರಾಯಃ ಪ್ರಿಯಾರ್ಹೋಽರ್ಹಃ ಪ್ರಿಯಕೃತ್ ಪ್ರೀತಿವರ್ಧನಃ || ೯೩ ||

13. ಭಯನಾಶನ ಸ್ತೋತ್ರ:

ಸಹಸ್ರಾರ್ಚಿಃ ಸಪ್ತಜಿಹ್ವಃ ಸಪ್ತೈಧಾಃ ಸಪ್ತವಾಹನಃ |

ಅಮೂರ್ತಿರನಘೋಽಚಿಂತ್ಯೋ(ಽ)ಭಯಕೃದ್ಭಯನಾಶನಃ || ೮೯ ||

14. ದುಸ್ವಪ್ನನಾಶನ ಸ್ತೋತ್ರ:

ಉತ್ತಾರಣೋ ದುಷ್ಕೃತಿಹಾ ಪುಣ್ಯೋ ದುಃಸ್ವಪ್ನನಾಶನಃ |

ವೀರಹಾ ರಕ್ಷಣಃ ಸಂತೋ ಜೀವನಃ ಪರ್ಯವಸ್ಥಿತಃ || ೯೯ ||

15. ಸ್ವಸ್ತಿ ಮಂತ್ರ - ಮನಸ್ಸಿನಲ್ಲಿ ಮೂಡುವ ಆಸೆಗಳ ಸಿದ್ಧಿಗಾಗಿ:

ಸನಾತ್ಸನಾತನತಮಃ ಕಪಿಲಃ ಕಪಿರವ್ಯಯಃ |

ಸ್ವಸ್ತಿದಃ ಸ್ವಸ್ತಿಕೃತ್ ಸ್ವಸ್ತಿ ಸ್ವಸ್ತಿಭುಕ್ ಸ್ವಸ್ತಿದಕ್ಷಿಣಃ || ೯೬ ||

16. ಕೊನೆಯ ದಿನಗಳಲ್ಲಿ  - ಸದ್ಗತಿಗಾಗಿ:

ವೈಕುಂಠಃ ಪುರುಷಃ ಪ್ರಾಣಃ ಪ್ರಾಣದಃ ಪ್ರಣವಃ ಪೃಥುಃ |

ಹಿರಣ್ಯಗರ್ಭಃ ಶತ್ರುಘ್ನೋ ವ್ಯಾಪ್ತೋ ವಾಯುರಧೋಕ್ಷಜಃ || ೪೪ ||

ಸದ್ಗತಿಃ ಸತ್ಕೃತಿಃ ಸತ್ತಾ ಸದ್ಭೂತಿಃ ಸತ್ಪರಾಯಣಃ |

ಶೂರಸೇನೋ ಯದುಶ್ರೇಷ್ಠಃ ಸನ್ನಿವಾಸಃ ಸುಯಾಮುನಃ || ೭೫ ||

ಈ ಮೇಲಿನವು ಕೆಲವು ಉದಾಹರಣೆ ಮಾತ್ರ. ಇನ್ನು ಅನುಸಂಧಾನದಿಂದ ಪ್ರತಿನಿತ್ಯವೂ, ಸಂಸಾರದ ಎಲ್ಲರೂ ದಿನಕ್ಕೊಮ್ಮೆಯಾದರೂ ಒಟ್ಟಾಗಿ, ಶುಚಿರ್ಭೂತರಾಗಿ ದೇವರ ಮುಂದೆ ಕುಳಿತು 

ಶ್ರೀ ವಿಷ್ಣುಸಹಸ್ರನಾಮ ಸ್ತೋತ್ರ ವನ್ನು 

ಪಠಣಮಾಡುವುದರಿಂದ ಬಹಳ ಒಳಿತಾಗುವುದರಲ್ಲಿ ಯಾವುದೇ ಸಂದೇಹವಿಲ್ಲ.

 ಶ್ರೀ ಕೃಷ್ಣಾರ್ಪಣಮಸ್ತು 

*****************************

ಕವಡೆ ಶಾಸ್ತ್ರ ಸ್ವತಃ ನೋಡಬಹುದೇ !?

 

ಕವಡೆ ಶಾಸ್ತ್ರ ಸ್ವತಃ ನೋಡಬಹುದೇ!?

 ಸಾಮಾನ್ಯವಾಗಿ ನಮ್ಮಲ್ಲಿ ಕೆಲವು ಮಂದಿ

 ಈ ಶಾಸ್ತ್ರ

ಜ್ಯೋತಿಷ

ಗಿಳಿಶಾಸ್ತ್ರ

ಅದರಲ್ಲೂ ಕವಡೇಶಾಸ್ತ್ರ ಒಂದು ರೀತಿ ಗೇಲಿ ಮಾಡುವಂತೆ ನೋಡುತ್ತಾರೆ....

ಹೋಗೋ ಕೆಲ್ಸ ಆಗುತ್ತೋ ಇಲ್ಲವೋ

ಇವತ್ತು ಅದೇನು ಹೇಳ್ತಾನೋ ಏನೋ

ಹಣ ಕೊಡ್ತಾ ಇಲ್ವಾ ಎಂದು ಹತ್ತಾರು ಬಾರಿ ಯೋಚಿಸಿಯೇ ಮನೆ ಬಿಡುತ್ತಾರೆ

ತೀರಾ ತಾವು ತಲುಪಬೇಕಾದ ಸ್ಥಳವನ್ನು ತಲುಪಿ ಅಲ್ಲಿ ಕೂತು

ಕಾದು ಕೊನೆಗೆ ಫಲಿತಾಂಶ ಹೊರಬೀಳುವವರೆಗೆ

ಇವರ ಮನಸ್ಸು ರಣರಂಗವಾಗಿರುತ್ತದೆ....

ಮಾನಸಿಕ ಒತ್ತಡ ತಡೆಯಲಾರದೆ ಕೆಲವೊಮ್ಮೆ ಅವರನ್ನು ಮನಸ್ಸಿನಲ್ಲೇ ಅವ್ಯಾಚವಾಗಿ ಬೈದು ಕೊಳ್ಳುತ್ತಾರಲ್ಲದೆ...

ತಮ್ಮನ್ನುಾ ನಿಂದಿಸಿಕೊಳ್ಳತ್ತಾರೆ...

 

ಇವೆಲ್ಲ ಏಕೆ ಬೇಕು

 ಒಂದ್ಹತ್ತು ನಿಮಿಷ ಮನೆಯಲ್ಲೇ ಪ್ರಶಾಂತವಾಗಿ ಕೂತು

ಈ ದಿನ ತಾವೆಂದುಕೊಂಡಿರುವ ಕೆಲಸ ಆಗುತ್ತದೋ ಇಲ್ಲವೋ ಎಂಬುದನ್ನು  ತಿಳಿದುಕೊಂಡುಬಿಟ್ಟರೆ... ಸಮಯ ಹಣವೂ ಸೇರಿದಂತೆ ಮಾನಸಿಕವಾಗಿಯುಾ ತಾವು ಪ್ರಶಾಂತವಾಗಿರಬಹುದಲ್ಲ...

ಈ ಕವಡೆ ಮುತ್ತಿನ ಶಾಸ್ತ್ರವನ್ನು ಸಂಪೂರ್ಣವಾಗಿ ನಂಬಿ.. ಇಂದಿನಿಂದಲೇ  ನಿಮ್ಮನ್ನು ನೀವು ತೊಡಗಿಸಿಕೊಳ್ಳಿ ಇದಕ್ಕಾಗಿ ನೀವು ಮಾಡಬೇಕಾದ್ದೇನೆಂದರೆ.....

 ನಿಮ್ಮ ಮನೆಯ ಪೂಜಾಗೃಹದಲ್ಲಿ ದೇವರ ಫೋಟೋಗಳ ಮುಂದೆ

 ದೀಪಗಳ ಪಕ್ಕದಲ್ಲಿ ಒಂದು ಬಟ್ಟಲಿನಲ್ಲಿ ಹನ್ನೆರಡು ಕವಡೆಗಳನ್ನು ಹಾಕಿಡಬೇಕು

 ಇಂದು.... ಈಗ ....

ನಾವು  ಮಾಡಲು ಹೊರಟಿರುವ ಕಾರ್ಯ ಕೈಗೂಡುತ್ತದೆಯೋ

ಆ ಕೆಲಸದಲ್ಲಿ ಯಶಸ್ಸು ಸಿಗುತ್ತದೋ ಇಲ್ಲವೋ ಎಂಬುದನ್ನು ನೀವೇ ತಿಳಿದುಕೊಳ್ಳಬೇಕೆಂದರೆ....

ಬೆಳಗಿನ ವೇಳೆಯ

ಕಾಲಕೃತ್ಯಗಳನ್ನೆಲ್ಲ ಮುಗಿಸಿ

 ಸ್ನಾನ ಮಾಡಿ

 ವಿಭೂತಿ ಕುಂಕುಮವನ್ನು ಹಣೆಗೆ ಧರಿಸಿ

ದೇವರಿಗೆ ದೀಪ ಹಚ್ಚಿ

 ಊದುಬತ್ತಿ ಹಚ್ಚಿ

 ಕರ್ಪೂರದಿಂದ ಮಹಾಮಂಗಳಾರತಿ ಮಾಡಿದ ನಂತರ

ದೇವರ ಮುಂದೆ ಕುಳಿತುಕೊಂಡು

ತಮ್ಮ ಕುಲ ದೇವರು ಅಥವಾ ಇಷ್ಟ ದೇವರನ್ನು ಮನದಲ್ಲೇ ನೆನೆದು ಪ್ರಾರ್ಥಿಸಿ ಭಕ್ತಿಭಾವದಿಂದ ಕವಡೆಗಳನ್ನು ಎರಡು ಕೈಗಳಲ್ಲಿ ತೆಗೆದುಕೊಂಡು ಕಣ್ಣುಗಳನ್ನು ಮುಚ್ಚಿಕೊಂಡು ಚೆನ್ನಾಗಿ ಕುಲುಕಿ ನೆಲದ ಮೇಲೆ ಹಾಕಬೇಕು ....

 

ಹಾಕಿದ ನಂತರ ಎಷ್ಟು ಕವಡೆಗಳು ಬೋರಲಾಗಿ ಬಿದ್ದಿರುತ್ತದೆಯೋ

 ಅಷ್ಟು ಸೇರಿಸಿ ಅವುಗಳ ಫಲಗಳನ್ನು ಈ ಕೆಳಗೆ ತೋರಿಸಿರುವ ಹಾಗೆ ತಿಳಿದುಕೊಳ್ಳಬೇಕು ...

ದೇವರ ಸಂಪೂರ್ಣ ಆಶೀರ್ವಾದದಿಂದ ಈ ಫಲಗಳ ಬಹಳ ನಿಖರವಾಗಿರುವುದನ್ನು

ನೀವು ಗ್ರಹಿಸಬಹುದು

ಒಂದು ಕೆಲಸಕ್ಕೆ ಒಂದೇ ಸಾರಿ ಮಾತ್ರ ಕವಡೆ ಹಾಕಬೇಕು

 ಎರಡನೇ ಬಾರಿ ಹಾಕುವಂತಿಲ್ಲ ಎಂಬುದನ್ನು ಸದಾ ನೆನಪಿನಲ್ಲಿಡಬೇಕು...

 

ಉದಾಹರಣೆಗೆ ...

ಇಂದು ನಾವು ಕೇಳಲು ಹೋಗುತ್ತಿರುವ ಹಣ ನಮಗೆ ಸಿಗುತ್ತದೆಯೋ ?

ಎಂಬುದು ನಿಮ್ಮ ಪ್ರಶ್ನೆ ಎಂದಿಟ್ಟುಕೊಳ್ಳಿ...

 ಕವಡೆಗಳನ್ನು ಕುಲುಕಿ ಹಾಕಿದ ತಕ್ಷಣ ಎರಡು ಕವಡೆಗಳು ಮುಗುಚಿಕೊಂಡಂತೆ ಬೋರಲಾಗಿ ಬಿದ್ದರೆ "ಹಣ ನಿಮ್ಮ ಕೈ ಸೇರುತ್ತದೆ ಎಂದು...

 

 ಇದರ ಹೊರತಾಗಿ  5   9 11 ಬಿದ್ದರೆ ಯಾವುದೇ ಆತಂಕವಿಲ್ಲದೆ ಹಣ ನಿಮ್ಮ ಕೈ ತಲುಪುತ್ತದೆ ಎಂಬುದು ಈ ಶಾಸ್ತ್ರದ ಫಲ ....

 

ಇದರ ಹೊರತಾಗಿ ಆರು ಬಿದ್ದರೆ ಹಣ ಕೇಳಲು ಹೋದ ಸ್ಥಳ

ವ್ಯಕ್ತಿಯ ಬಳಿ ಹಣ ಸಿಗುವುದಿಲ್ಲ ಸಾಲದ್ದಕ್ಕೆ ಮನಸ್ತಾಪಗಳು ಸಣ್ಣಪುಟ್ಟ ಜಗಳಗಳುಾ ನಡೆಯುವ ಸಾಧ್ಯತೆಗಳು ಇರುತ್ತದೆ ಎಂಬುದು ಇದರ ಫಲ...

 

 ಒಂದು ವೇಳೆ ಎಂಟು

ಬಿದ್ದರೆ

ಹಣ ಕೀಳಲು ಹೋದ ಸ್ಥಳದಲ್ಲಿ ಅನಗತ್ಯ ಜಗಳ

ವಾದ ವಿವಾದಗಳುಂಟಾಗಿ ದೊಡ್ಡ ಸಮಸ್ಯೆಯಾಗಲಿದೆ ಎಂಬುದು ಇದರ ಫಲ

 

ಹನ್ನೆರಡು

 ಬಿದ್ದರೆ ಹಣ ಕೇಳಲು ಹೋಗಿರುವ ಜಾಗದಲ್ಲಿ ಹಣ ಸಿಗುವುದಿಲ್ಲ

 ನಮ್ಮ ಕೈಯಿಂದಲೇ ಅನಗತ್ಯ ಖರ್ಚುಗಳನ್ನು ಮಾಡಿ

ಇರುವ ಹಣವನ್ನು ಕಳೆದುಕೊಳ್ಳಬೇಕಾಗುತ್ತದೆ ಎಂಬುದೇ ಇದರ ಫಲ

 

ಈ ರೀತಿಯಲ್ಲಿ ಇಂದು ನಾವು ಮಾಡಲು ಹೋರಟಿರುವ ಪ್ರತಿಯೊಂದು ಕಾರ್ಯಕ್ಕೂ ಹೋಗುವ ಮುಂಚೆಯೇ ಫಲಗಳನ್ನು ತಿಳಿದುಕೊಳ್ಳಬಹುದು ...

 

2  ,4 , 5,  9,  10,  11 ಎಂಬ ಆರು ಸಂಖ್ಯೆಗಳು ಬಿದ್ದರೆ ಉತ್ತಮವಾದ ಫಲಗಳೇ ನಡೆಯುತ್ತವೆ ....

 

ಇದರ ಹೊರತಾಗಿ     1,  3,  6,  7,  8,  12 ರಂತೆ ಆರು ಸಂಖ್ಯೆಗಳು ಬಿದ್ದರೆ ಕೆಟ್ಟ ಫಲಗಳು ಮಾತ್ರ ನಡೆಯುತ್ತವೆ...

 

 ಮನೆಯಲ್ಲಿರುವ ಐದು ವಷ೯ಕ್ಕಿಂತ ಕಡಿಮೆ ಇರುವ ಹೆಣ್ಣು ಮಕ್ಕಳ ಕೈಗೆ ಕವಡೆಗಳನ್ನು ಕೊಟ್ಟು ಹಾಕಿ ಫಲಗಳನ್ನು ತಿಳಿದುಕೊಳ್ಳುವುದು ಒಳ್ಳೆಯದು

ಬಿ.ಕೆ.ಎಸ್. ಐಯಂಗಾರ್

ಯೋಗಲೋಕದ ಯೋಗಿರಾಜ

ಅನಾರೋಗ್ಯಪೀಡಿತ ಬಾಲಕನೊಬ್ಬ ಆರೋಗ್ಯ ಸುಧಾರಣೆಗಾಗಿ ಯೋಗ ಕಲಿತು ಉತ್ತಮ ಆರೋಗ್ಯ ಸಂಪಾದಿಸಿದ್ದಲ್ಲದೆ, ಆ ವಿದ್ಯೆಯನ್ನು ಜಗತ್ತಿಗೆ ಹಂಚಬೇಕೆಂದು ಸಂಕಲ್ಪಿಸಿದ. ಆ ಬಾಲಕ ಮುಂದೆ ಬಿ.ಕೆ.ಎಸ್. ಐಯಂಗಾರ್ ಎಂದು ಪ್ರಸಿದ್ಧರಾದರು. ಯೋಗ ಎಂದಕೂಡಲೇ ತಕ್ಷಣ ನೆನಪಾಗುವ ಹೆಸರು ಅವರದೇ. ನಾಳೆಯಿಂದ ಪ್ರಾರಂಭವಾಗಲಿರುವ ಅವರ ಜನ್ಮಶತಮಾನೋತ್ಸವದ ನಿಮಿತ್ತ ಈ ಬರಹ.

ಒಬ್ಬ ವ್ಯಕ್ತಿ ತನ್ನಲ್ಲಿರುವ ಅಸಾಧಾರಣ ಶಕ್ತಿಯನ್ನು ಸದುಪಯೋಗಪಡಿಸಿಕೊಂಡರೆ ಏನು ಬೇಕಾದರೂ ಸಾಧಿಸಬಹುದೆಂಬುದಕ್ಕೆ ಅವರೇ ಸಾಕ್ಷಿ. ಮಹಾಭಾರತದ ಏಕಚಕ್ರಾಧಿಪುರವು ಮುಂದೆ ಊರಿನ ಕೊಳವೊಂದರಲ್ಲಿ ಬೆಳ್ಳಿ ಬಟ್ಟಲೊಂದು ದೊರೆತ ಕಾರಣ ಬೆಳ್ಳೂರು ಎಂದು ಹೆಸರಾಯಿತೆಂಬ ಪ್ರತೀತಿ ಇದೆ. ಇದು ಕೋಲಾರ ಜಿಲ್ಲೆಯ ನರಸಾಪುರ ತಾಲ್ಲೂಕಿನಲ್ಲಿದೆ. ಇಲ್ಲಿಯೇ ಬಿ.ಕೆ.ಎಸ್.ಐಯಂಗಾರರು ಜನ್ಮ ತಳೆದದ್ದು. ಶಾಲಾ ಉಪಾಧ್ಯಾಯರಾದ ತಂದೆ ಕೃಷ್ಣಮಾಚಾರ್ಯ ಮತ್ತು ತಾಯಿ ಶೇಷಮ್ಮನವರದು 13 ಮಕ್ಕಳ ಬಡ ಕುಟುಂಬ. 11ನೆಯ ಮಗುವಾಗಿ 1918ರ ಡಿಸೆಂಬರ್ 14ರ ರಾತ್ರಿ ಹುಟ್ಟಿದ ಐಯಂಗಾರರ ಬಾಲ್ಯದ ಸಮಯದಲ್ಲಿ ಇಡೀ ಊರೇ ವಿಷಮ ಶೀತಜ್ವರದಿಂದ ನರಳುತ್ತಿತ್ತು. ಒಂದಿಲ್ಲೊಂದು ರೋಗಬಾಧೆ ಹಾಗೂ ಪೌಷ್ಟಿಕ ಆಹಾರದ ಕೊರತೆಯಿಂದ ಬಾಲಕ ಐಯಂಗಾರ್ ಸದಾ ನರಳುತ್ತಿದ್ದ. ಇಂತಹ ವಿಷಮ ಪರಿಸ್ಥಿತಿಯ ಮಧ್ಯೆ ಒಂಬತ್ತನೆಯ ವಯಸ್ಸಿಗೇ ತಂದೆಯನ್ನು ಕಳೆದುಕೊಂಡದ್ದು ಕುಟುಂಬವನ್ನು ಇನ್ನಷ್ಟು ಕಷ್ಟಕ್ಕೆ ಸಿಲುಕಿಸಿತು. ಈ ಸಂಕಷ್ಟವನ್ನು ಅನುಭವಿಸುತ್ತಲೇ ಐದಾರು ವರ್ಷ ಕಳೆದ ಅವರು, ಪ್ರೌಢಶಾಲಾ ಶಿಕ್ಷಣವನ್ನು ಬೆಂಗಳೂರಿನ ಕೋಟೆ ಪ್ರೌಢಶಾಲೆಯಲ್ಲಿ ಪಡೆದರು. ತದನಂತರ ಯೋಗಗುರು ಪ್ರೊ. ತಿರುಮಲೆ ಕೃಷ್ಣಮಾಚಾರ್ಯರಿಂದ ಮೈಸೂರಿಗೆ ಬರುವಂತೆ ಐಯಂಗಾರ್ಗೆ ಸೂಚನೆ ಬಂತು.

ಕೃಷ್ಣಮಾಚಾರ್ಯರು ಬಿ.ಕೆ.ಎಸ್. ಐಯಂಗಾರ್ ಅವರ ಅಕ್ಕನ ಗಂಡ ಅರ್ಥಾತ್ ಬಾವ. ಅವರು ವೇದ-ಉಪನಿಷತ್, ಯೋಗ, ಆಯುರ್ವೆದ ವಿದ್ಯೆಗಳಲ್ಲಿ ನಿಷ್ಣಾತ ಪಂಡಿತ. ಮದ್ರಾಸಿನಲ್ಲಿ ನೆಲೆಸಿದ್ದ ಅವರನ್ನು ಮೈಸೂರಿನ ಮಹಾರಾಜ ಶ್ರೀ ನಾಲ್ವಡಿ ಕೃಷ್ಣರಾಜ ಒಡೆಯರು ಮೈಸೂರಿನ ರಾಜಕುಟುಂಬಕ್ಕೆ ಯೋಗ ಕಲಿಸಲು ಆಹ್ವಾನಿಸಿದ್ದರು. ಕೃಷ್ಣಮಾಚಾರ್ಯರು ಆನಂದತುಂದಿಲರಾಗಿ ಮೈಸೂರಿಗೆ ಬಂದು ನೆಲೆಸಿದ್ದರು. ಅನಾರೋಗ್ಯ ಹಾಗೂ ಆರ್ಥಿಕ ಸಮಸ್ಯೆಗಳಿಂದ ಪಾರಾಗಲು ಅಕ್ಕ-ಬಾವನ ಬಳಿ ಪಡೆದ ಆಶ್ರಯ ಐಯಂಗಾರರ ಬದುಕಿಗೆ ಮಹತ್ವದ ತಿರುವು ನೀಡಿತು. ಕೃಷ್ಣಮಾಚಾರ್ಯರ ಮಾರ್ಗದರ್ಶನದಲ್ಲಿ ನಿಷ್ಠೆ ಹಾಗೂ ಪ್ರಾಮಾಣಿಕತೆಯಿಂದ ಮಾಡಿದ ಯೋಗಸಾಧನೆಯಿಂದ ಐಯಂಗಾರ್ ಅವರ ಆರೋಗ್ಯ ಸುಧಾರಿಸಿತು.

ಯೋಗಾಭ್ಯಾಸ ಕಲಿತ ಎರಡು ವರ್ಷಗಳಲ್ಲಿಯೇ ಅವರು ಕೃಷ್ಣಮಾಚಾರ್ಯರ ನಿರ್ದೇಶನದ ಮೇರೆಗೆ ಧಾರವಾಡದ ಕರ್ನಾಟಕ ಕಾಲೇಜಿನಲ್ಲಿ ಯೋಗಶಿಕ್ಷಕರಾದರು. ನಂತರ ಗುರುಗಳ ಆಣತಿಯಂತೆ 1937ರಲ್ಲಿ ಖಾಸಗಿಯಾಗಿ ಯೋಗಶಿಕ್ಷಣ ನೀಡಲು ಪುಣೆಗೆ ಬಂದುದು ಅವರ ಜೀವನದ ಮಹತ್ತರ ಬದಲಾವಣೆಗೆ ನಾಂದಿಯಾಯಿತು.

ಯೋಗದೀಪಿಕಾ, ಪ್ರಾಣಾಯಾಮ ದೀಪಿಕಾ: ಮಾನವನ ಪರಿಪೂರ್ಣ ಆರೋಗ್ಯಕ್ಕೆ ಬೇಕಾದ ವಿಷಯಗಳನ್ನು ಕುರಿತು ಐಯಂಗಾರ್ ಬರೆದ 14 ಪುಸ್ತಕಗಳ ಲಕ್ಷಾಂತರ ಪ್ರತಿಗಳು ಮಾರಾಟವಾಗಿವೆ. 17 ಭಾಷೆಗಳಲ್ಲಿ ದೇಶವಿದೇಶಗಳಲ್ಲಿ ಅನೇಕ ಆವೃತ್ತಿಗಳನ್ನು ಹೊಂದಿವೆ. ಅವರು 1966ರಲ್ಲಿ ಯೋಗದೀಪಿಕಾ (ಲೈಟ್ ಆನ್ ಯೋಗ) ಎನ್ನುವ ಪುಸ್ತಕವನ್ನು ಬರೆದರು. 200ಕ್ಕೂ ಹೆಚ್ಚು ಯೋಗಾಸನಗಳ ಬಗ್ಗೆ ಸಚಿತ್ರ ವಿವರಗಳಿದ್ದ ಈ ಪುಸ್ತಕ ಅತ್ಯಂತ ಕಡಿಮೆ ಸಮಯದಲ್ಲಿಯೇ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮಾನ್ಯತೆ ಪಡೆಯಿತು. ಪ್ರಾಣಾಯಾಮ ದೀಪಿಕಾ ಪುಸ್ತಕದಲ್ಲಿ ಅಷ್ಟಾಂಗಯೋಗದ ಪ್ರಮುಖ ಭಾಗವಾದ ಪ್ರಾಣಾಯಾಮವನ್ನು ಪರಿಚಯಿಸಿ ವೈಜ್ಞಾನಿಕ ದೃಷ್ಟಿಕೋನದಿಂದ ವಿಶ್ಲೇಷಿಸಿದ್ದಾರೆ. ಐಯಂಗಾರ್ ದಂಪತಿಗೆ ಐವರು ಪುತ್ರಿಯರು, ಒಬ್ಬ ಪುತ್ರ. ಹಿರಿಯ ಪುತ್ರಿ ಗೀತಾ ಮತ್ತು ಮಗ ಪ್ರಶಾಂತ ಅಂತಾರಾಷ್ಟ್ರೀಯ ಯೋಗಶಿಕ್ಷಕರು. ಪತ್ನಿಯ ನಿಧನಾನಂತರ ಅವರ ಹೆಸರಿನಲ್ಲಿ 1975ರಲ್ಲಿ ಐಯಂಗಾರ್ ಪುಣೆಯಲ್ಲಿ ಪ್ರಾರಂಭಿಸಿದ ‘ರಮಾಮಣಿ ಮೆಮೋರಿಯಲ್ ಯೋಗ ಸೆಂಟರ್’ನಲ್ಲಿ ಅನಾಟಮಿ, ಫಿಸಿಯಾಲಜಿಯ ಜೊತೆಜೊತೆಗೆ ಯೋಗಾಸನ, ಪ್ರಾಣಾಯಾಮಗಳನ್ನು ಕಲಿಸಲಾಗುತ್ತಿದೆ. 70 ದೇಶಗಳಲ್ಲಿ ಸರಿಸುಮಾರು 140 ಯೋಗಶಾಲೆಗಳನ್ನು ತೆರೆದು ಯೋಗ ಕಲಿಸಿದ ಕೀರ್ತಿ ಅವರದು. ಅನೇಕ ಕ್ರೀಡಾಸಕ್ತರು, ರಾಜಕಾರಣಿಗಳು, ಸಮಾಜ ಸುಧಾರಕರು, ಕಲಾವಿದರು ಐಯಂಗಾರ್ಯರಿಂದ ಕಲಿತ ಯೋಗದಿಂದ ಜೀವನದ ದಿಕ್ಕನ್ನೇ ಬದಲಿಸಿಕೊಂಡಿದ್ದಾರೆ.

ನಿಗರ್ವಿಯಾದ ಐಯಂಗಾರರು ಸ್ವಂತ ಊರಿಗೆ ಬಂದಾಗ ಅಲ್ಲಿ ಶಾಲೆ ಇಲ್ಲದ್ದು ತಿಳಿದು ಪ್ರಾಥಮಿಕ ಶಾಲೆ, ಮಾಧ್ಯಮಿಕ ಶಾಲೆ, ಪ್ರೌಢಶಾಲೆ, ಕಾಲೇಜುಗಳ ಕಟ್ಟಡಗಳನ್ನು ನಿರ್ವಿುಸಿದರು. ಮತ್ತೊಂದು ಬಾರಿ ಬಂದಾಗ ಊರಿನಲ್ಲಿ ಒಳ್ಳೆಯ ಗುಡಿ ಇಲ್ಲದ್ದನ್ನು ಗಮನಿಸಿ ಆಂಜನೇಯ, ಪತಂಜಲಿ ದೇವಸ್ಥಾನಗಳನ್ನು ನಿರ್ವಿುಸಿದರು. ಆಸ್ಪತ್ರೆ ಇಲ್ಲದ್ದನ್ನು ಗಮನಿಸಿ ಪ್ರಾಥಮಿಕ ಆರೋಗ್ಯ ಘಟಕವನ್ನು ತೆರೆಯಲು ಕಟ್ಟಡ ನಿರ್ಮಾಣ ಮಾಡಿಸಿದರು. ವಿಶ್ವದ ನೂರು ಪ್ರಭಾವಿ ವ್ಯಕ್ತಿಗಳ ಹೆಸರುಗಳನ್ನು ಪ್ರಕಟಿಸುವ ಪಟ್ಟಿಯಲ್ಲಿ ಐಯಂಗಾರ್ ಅವರ ಹೆಸರು ಸಹ ಇತ್ತು.ಚೀನಾ ಸರ್ಕಾರ 2011ರಲ್ಲಿ ಅವರ ಭಾವಚಿತ್ರವಿರುವ ಏಳು ಅಂಚೆಚೀಟಿಗಳನ್ನು ಬಿಡುಗಡೆಗೊಳಿಸಿತ್ತು. ಅವರಿಗೆ ಪದ್ಮಶ್ರೀ, ಪದ್ಮಭೂಷಣ, ಪದ್ಮವಿಭೂಷಣ, ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಮುಂತಾದ ಗೌರವಗಳು ಲಭಿಸಿವೆ. 2014ರ ಆಗಸ್ಟ್ 20ರಂದು ಅವರು ಪುಣೆಯಲ್ಲಿ ನಿಧನರಾದರು. ನಾಳೆಯಿಂದ ಜಗತ್ತಿನ ನಾನಾ ಕಡೆಗಳಲ್ಲಿ ಅವರ ಜನ್ಮಶತಮಾನೋತ್ಸವವನ್ನು ಆಚರಿಸಲಾಗುತ್ತದೆ.

ಯೋಗಾನಂದರ ಮೆಚ್ಚುಗೆ

1935ರಲ್ಲಿ ನಾಲ್ವಡಿ ಕೃಷ್ಣರಾಜ ಒಡೆಯರ ಆಹ್ವಾನದ ಮೇರೆಗೆ ಮೈಸೂರಿಗೆ ಬಂದ ಪರಮಹಂಸ ಯೋಗಾನಂದರ ಎದುರು ಐಯಂಗಾರ್ ನೀಡಿದ ಯೋಗಾಸನಗಳ ಪ್ರದರ್ಶನವು ಯೋಗಾನಂದರ ಮೆಚ್ಚುಗೆಗೆ ಪಾತ್ರವಾಗಿತ್ತು.

ಐಯಂಗಾರ್ ಯೋಗ

ಹಠಯೋಗದ ಒಂದು ಪರಿಷ್ಕೃತ ರೂಪವೇ ‘ಐಯಂಗಾರ್ ಯೋಗ’. ಸವಿಸ್ತಾರವಾದ ವಿವರಣೆಯ ಜೊತೆಗೆ ಆಸನಗಳನ್ನೂ, ಪ್ರಾಣಾಯಾಮವನ್ನೂ ಮಾಡುವಾಗ ಪರಿಪೂರ್ಣ ಸ್ಥಿತಿಯನ್ನು ತಲುಪುವಂತೆ ದೇಹವನ್ನು ಸಜ್ಜುಗೊಳಿಸುವುದಕ್ಕೆ ಒತ್ತು ನೀಡುವುದು ‘ಐಯಂಗಾರ್ ಯೋಗ’ದ ವಿಶೇಷ. ಯೋಗಾಸನಗಳನ್ನು ಮಾಡಲು ನೆಲಕ್ಕೆ ಹಾಸುವ ಬಟ್ಟೆಯೊಂದನ್ನು ಬಿಟ್ಟರೆ ಬೇರೇನನ್ನೂ ಬಳಸದ ಅಂದಿನ ಸಾಂಪ್ರದಾಯಿಕ ವಿಧಾನಗಳನ್ನು ಬಿಟ್ಟು ಹಗ್ಗದ ಕುಣಿಕೆ, ಕೋಲು, ಕುರ್ಚಿ, ಇಟ್ಟಿಗೆ ಇವೇ ಮುಂತಾದ ಪರಿಕರಗಳನ್ನು ಬಳಸಿ ಕಲಿಸತೊಡಗಿದ ಪ್ರಥಮ ಗುರು ಐಯಂಗಾರ್.

ಬಹಳ ವರ್ಷಗಳ ಹಿಂದೆ ಬಿ.ಕೆ.ಎಸ್. ಐಯಂಗಾರ್ ಆಸನಗಳನ್ನು ಅಭ್ಯಸಿಸುತ್ತಿದ್ದ ಸಂದರ್ಭದಲ್ಲಿ ಯೋಗದ ಜ್ಞಾನ ಇಲ್ಲದವರು ಆ ಭಂಗಿಗಳನ್ನು ದೊಂಬರಾಟಕ್ಕೆ ಹೋಲಿಸಿದ್ದರಂತೆ. ಆ ಘಟನೆಯನ್ನು ಸವಾಲಾಗಿ ಸ್ವೀಕರಿಸಿದ್ದೇ ಅವರು ಯೋಗಕ್ಷೇತ್ರದಲ್ಲಿ ಉತ್ತುಂಗದ ಶಿಖರವೇರಲು ಸಹಕಾರಿಯಾಯಿತು. ಯೋಗ ಕೇವಲ ನೋಡುವ ರೀತಿಯನ್ನಷ್ಟೇ ಬದಲಿಸುವುದಿಲ್ಲ. ಅದು ನೋಡುಗನನ್ನೇ ಪರಿವರ್ತಿಸುತ್ತದೆ.

(ಬಿ.ಕೆ.ಎಸ್. ಐಯಂಗಾರ್ ಅವರ ಜೀವನವನ್ನು ಕುರಿತು ಮೈಸೂರಿನ ಹಿಮಾಲಯ ಫೌಂಡೇಷನ್ ಪ್ರಕಟಿಸಿರುವ ‘ಯೋಗ ಭೀಷ್ಮ’ ಕೃತಿಯಿಂದ ಆಯ್ದ ಭಾಗ)

ರಥಸಪ್ತಮಿ

 ರಥ ಸಪ್ತಮಿ ಮಹತ್ವ ಮತ್ತು ಪೌರಾಣಿಕ ಹಿನ್ನೆಲೆ

ಬಾಲ್ಯದಲ್ಲಿ ಅಜ್ಜಿ ಪಾಡ್ಯ, ಬಿದಿಗೆ, ತದಿಗೆ... ಅಮಾವಾಸ್ಯೆಯವರೆಗೆ ಕಂಠಪಾಠ ಮಾಡಿಸುವಾಗ ಒಂದೊಂದು ತಿಥಿಗೂ ಒಂದೊಂದು ಹಬ್ಬವನ್ನು ಸೇರಿಸಿ ಹೇಳಿಕೊಡುತ್ತಿದ್ದರು.

ಪಾಡ್ಯ- ಉಗಾದಿ ಪಾಡ್ಯ, ಬಿದಿಗೆ-ಭಾನು ಬಿದಿಗೆ, ತದಿಗೆ-ಅಕ್ಷ ತದಿಗೆ, ಚೌತಿ-ವಿನಾಯಕನ ಚೌತಿ. . . . ಹೀಗೆ ‘ಸಪ್ತಮಿ’ಯ ಸರದಿ ಬಂದಾಗ ರಥಸಪ್ತಮಿ ಸೇರಿಕೊಳ್ಳುತ್ತಿತ್ತು.

ಸಮಯ ಸಿಕ್ಕಾಗಲೆಲ್ಲ ಹಬ್ಬಗಳ ಮಹತ್ವದ ಬಗ್ಗೆ ವಿವರಿಸುತ್ತಿದ್ದರು.ಹಬ್ಬಗಳು ಪ್ರತಿವರ್ಷ ಬರುತ್ತವೆ, ಹೋಗುತ್ತವೆ. ಆದರೆ ಅವುಗಳ ಆಚರಣೆಯ ಹಿಂದಿನ ಗೂಢಾರ್ಥ, ವೈಜ್ಞಾನಿಕ ಅಂಶಗಳನ್ನು ಅರಿತಾಗ ಅರ್ಥಪೂರ್ಣ ಆಚರಣೆಯಾಗುತ್ತದೆ.

ಯುಗಾದಿ ಹೊಸತನವನ್ನು ಹೊತ್ತು ತಂದರೆ, ಅದಕ್ಕೂ ಮುನ್ನ ಬರುವ ರಥಸಪ್ತಮಿ ಹಳತರ ಜಾಗದಲ್ಲಿ ಹೊಸತನ್ನು ತಂದಿಟ್ಟು ಬದುಕನ್ನು ಆನಂದಮಯವಾಗಿಸಿಕೊಳ್ಳಲು ಪ್ರೇರೇಪಿಸುತ್ತದೆ.

 “ಮಾಘ ಮಾಸದ ಶುಕ್ಲ ಪಕ್ಷದ ಸಪ್ತಮಿ ತಿಥಿಯಂದು ದಿನ ಸೂರ್ಯ ಹಳೆಯ ರಥವನ್ನು ಬಿಟ್ಟು ಹೊಸ ರಥ ಹತ್ತುತ್ತಾನಂತೆ” ಅಂತ ಅಜ್ಜಿ ಹೇಳುತ್ತಿದ್ದುದು ನೆನಪಾಗುತ್ತದೆ.

ಅಲ್ಲದೆ ಈ ದಿನವನ್ನು ಸೂರ್ಯನ ಜನ್ಮದಿನವೆಂದೂ ಪ್ರಾಜ್ಞರು ಹೇಳುತ್ತಾರೆ.

ಯಾವುದೇ ವಸ್ತು ಹಳೆಯದಾದ ಮಾತ್ರಕ್ಕೆ ಬದುಕು ಹಳತಾಗದು. ಅದು ನಿತ್ಯ ನವೀನ.

ಹೀಗಾಗಿಯೇ ದೇಹ ಹಳತಾದಂತೆ ಹಳೆಯ ಬಟ್ಟಿ ಕಳಚಿ ಹೊಸದನ್ನು ಧರಿಸಿದಂತೆ ಅದನ್ನು ವಿಸರ್ಜಿಸಿ ಆತ್ಮ ಹೊಸತನ್ನು ಪಡೆಯುತ್ತದೆ ಎಂಬ ನಂಬಿಕೆಯಿದೆ.

ಸೂರ್ಯನೂ ಹಾಗೆಯೇ, ಪ್ರತಿವರ್ಷ ರಥ ಬದಲಿಸಿ ತನ್ನ ಕಾರ್ಯವನ್ನು ಚುರುಕುಗೊಳಿಸುತ್ತಾನೆ.

ತನ್ಮೂಲಕ ಭುವಿಯ ನಿವಾಸಿಗಳಿಗೆ ಚೈತನ್ಯ ನೀಡುತ್ತಾನೆ.

ಈ ಹಿನ್ನೆಲೆಯಲ್ಲಿ ಆತನನ್ನು ಗೌರವಿಸುವ ಸಲುವಾಗಿ ನಾಳೆ (ಮಾಘ ಮಾಸ, ಶುಕ್ಲಪಕ್ಷದ ಸಪ್ತಮಿ ತಿಥಿ-ಗುರುವಾರ) ದೇಶಾದ್ಯಂತ ರಥಸಪ್ತಮಿ ಆಚರಿಸಲಾಗುತ್ತಿದೆ.

ಆರೋಗ್ಯಂ ಭಾಸ್ಕರಾದಿಚ್ಛೇತ್...

ಚಳಿಗಾಲದಲ್ಲಿ ಮುದುಡುವ ಶರೀರ, ರಥಸಪ್ತಮಿಯ ಬಳಿಕ ಸೂರ್ಯನ ಶಾಖದಿಂದಾಗಿ ನವಚೈತನ್ಯ ತುಂಬಿಕೊಳ್ಳುತ್ತದೆ. ‘

ಆರೋಗ್ಯಂ ಭಾಸ್ಕರಾದಿಚ್ಛೇತ್’ ಅಂದರೆ ಸೂರ್ಯ ಆರೋಗ್ಯದಾಯಿ. ವೈಜ್ಞಾನಿಕವಾಗಿಯಯೂ ಇದು ಸಾಬೀತಾಗಿದೆ.

ಹಸುಗೂಸಿನ ಕಣ್ಣುಗಳು ಸಾಮಾನ್ಯವಾಗಿ ಹಳದಿ ಬಣ್ಣಕ್ಕೆ ತಿರುಗಿದ ಸಂದರ್ಭದಲ್ಲಿ ಪ್ರತಿದಿನ ಎಳೆಬಿಸಿಲಿಗೆ ಮಗುವನ್ನು ಮಲಗಿಸುವಂತೆ ವೈದ್ಯರು ಸಲಹೆ ನೀಡುತ್ತಾರೆ.

ಚಂದ್ರನ ಬೆಳಕಿನಲ್ಲಿ ವಿಟಮಿನ್ ‘ಬಿ 12’ ಇದ್ದರೆ ಸೂರ್ಯನ ಕಿರಣಗಳಲ್ಲಿ ವಿಟಮಿನ್ ‘ಡಿ’ ಹೇರಳವಾಗಿದೆ ಎಂಬುದು ಎಲ್ಲರಿಗೂ ತಿಳಿದಿರುವ ವಿಷಯ.

ಹೀಗಾಗಿಯೇ ಪ್ರತ್ಯಕ್ಷವಾಗಿ ಕಾಣುವ ದೈವಸ್ವರೂಪಿ ಸೂರ್ಯನ ಆರಾಧನೆಗೆ ವಿಗ್ರಹಾರಾಧ ನೆ ಬಳಕೆಗೆ ಬರುವ ಮುಂಚಿನಿಂದಲೂ ಪ್ರಾಶಸ್ತ್ಯವಿದೆ.

ಆಹಾರಕ್ಕಾಗಿ, ರೋಗ ನಿವಾರಣೆಗಾಗಿ ಸೂರ್ಯೋಪಾಸನೆ ಮಾಡಬೇಕೆಂದು ಸ್ಕಂದ, ವರಾಹ ಪುರಾಣಗಳಲ್ಲಿಯೂ ಹೇಳಲಾಗಿದೆ.

ರೋಗ ನಿವಾರಣೆ, ದೇಹದಾರ್ಡ್ಯ ಹಾಗೂ ಆರೋಗ್ಯವನ್ನು ಬಯಸುವವರು ಸೂರ್ಯನ ಆರಾಧನೆ ಮಾಡಬೇಕೆಂಬ ನಿಯಮವಿದೆ.

ರೋಗಾಣುಗಳನ್ನು ನಾಶ ಪಡಿಸುವ ಶಕ್ತಿ ಸೂರ್ಯನ ಕಿರಣಗಳಲ್ಲಿವೆ. ಬೆಳಗಿನ ಹಾಗೂ ಸಂಜೆಯ ಸೂರ್ಯ ಕಿರಣಗಳಿಂದ ಆರೋಗ್ಯ ವರ್ಧನೆಯಾಗುತ್ತದೆ.

ರೋಗದಿಂದ ನರಳುವವರು ರಥಸಪ್ತಮಿಯ ದಿನದಿಂದಲಾದರೂ ಸೂರ್ಯಾರಾಧನೆಯನ್ನು ಮಾಡಿದರೆ ಅರ್ಥಾತ್ ಆತನ ಕಿರಣಗಳಿಗೆ ಸೂಕ್ತ ವೇಳೆಯಲ್ಲಿ ಮೈಯೊಡ್ಡಿದರೆ ಬೇಗ ಗುಣಹೊಂದುತ್ತಾರೆ ಎಂಬುದು ವೈಜ್ಞಾನಿಕವಾಗಿ ಸಾಬೀತಾಗಿದೆ.

ಸೂರ್ಯರಾಧನೆಯನ್ನು ಮುಖ್ಯವಾಗಿ ಭಾರತ, ಮಧ್ಯ ಆಫ್ರಿಕಾ, ಈಜಿಪ್ಟ್‌, ಗ್ರೀಸ್ ಹಾಗೂ ಮಧ್ಯ ಏಷ್ಯಾಗಳಲ್ಲಿ ಆಚರಿಸಲಾಗುತ್ತಿದೆ.

108 ಸೂರ್ಯ ನಮಸ್ಕಾರ ಯೋಗಾಸನಗಳಲ್ಲಿ ಮೊದಲ ಪ್ರಾಶಸ್ತ್ಯ ಸೂರ್ಯನಮಸ್ಕಾರಕ್ಕಿದೆ.

ಏಕೆಂದರೆ ಈ ಅಭ್ಯಾಸವು ಮನಸ್ಸು, ದೇಹ ಮತ್ತು ಉಸಿರಾಟ ವ್ಯವಸ್ಥೆಗಳಿಗೆ ವಿಶೇಷವಾಗಿ ಪರಿಣಾಮಕಾರಿಯಾಗಿದೆ.

ಭೂಮಿಯಲ್ಲಿನ ಸಕಲ ಜೀವರಾಶಿಗಳ ಚಟುವಟಿಕೆಗಳ ಸೂರ್ಯನಿಂದ ನಡೆಯುತ್ತಿದೆ. ಸೂರ್ಯನಿಲ್ಲದೆ ಜೀವನ ಅಸ್ತಿತ್ವ ಇರಲು ಸಾಧ್ಯವಿಲ್ಲ.

ಹೀಗಾಗಿ ರಥಸಪ್ತಮಿಯಂದು 108 ಸೂರ್ಯ ನಮಸ್ಕಾರಗಳು ಹಾಗೂ ಸಪ್ತಾಶ್ವಗಳ ಪ್ರತೀಕವಾಗಿ ಸಪ್ತ ನಮಸ್ಕಾರಗಳನ್ನು ಮಾಡುವ ಅಭ್ಯಾಸವಿದೆ.

ಪೌರಾಣಿಕ ಹಿನ್ನೆಲೆಯೇನು? 

ದ್ವಾಪರ ಯುಗದಲ್ಲಿ ಶ್ರೀ ಕೃಷ್ಣನು ಧರ್ಮರಾಜನಿಗೆ ರಥಸಪ್ತಮಿ ಬಗ್ಗೆ ಹೇಳಿದ ಕಥೆಯಿದೆ.

ಯಶೋವರ್ಮನೆಂಬ ರಾಜನಿಗೆ ಹುಟ್ಟಿದ ಮಗನಿಗೆ ಹುಟ್ಟಿನಿಂದಲೇ ರೋಗಿಷ್ಠನಾಗಿದ್ದ.

ಈ ಬಗ್ಗೆ ಜ್ಯೋತಿಷಿಗಳಿಂದ ಮಾಹಿತಿ ಪಡೆದು ಸಂಚಿತಕರ್ಮದಿಂದ ಬಂದಿರುವ ಕಾಯಿಲೆಗೆ ರಥಸಪ್ತಮಿ ವ್ರತ ಚರಿಸಲು ಹೇಳಿದ್ದರು.

ಅದರಂತೆ ಅಂದು ಸೂರ್ಯಾರಾಧನೆ ಮಾಡಲಾಗಿ ರಾಜ ಪುತ್ರನು ಆರೋಗ್ಯವಂತನೂ, ಪ್ರಭಾವಶಾಲಿಯೂ ಆದನು.

ಅಲ್ಲದೆ ಪಾಂಡವರು ವನವಾಸದ ಅವಧಿಯಲ್ಲಿ ಶ್ರೀಕೃಷ್ಣನ ಆದೇಶದಂತೆ ಸೂರ್ಯಾರಾಧನೆ ಮಾಡಿ ಆತನಿಂದ ಅಕ್ಷಯ ಪಾತ್ರೆ ಪಡೆದಿದ್ದರು.

 

ಅಲ್ಲದೆ ರಾವಣನ್ನು ಗೆಲ್ಲಬೇಕಾದರೆ ಶ್ರೀರಾಮನೂ ಕೂಡ ಅಗಸ್ತ್ಯರ ಉಪದೇಶದಂತೆ ಆದಿತ್ಯಹೃದಯದ ಮೂಲಕ ಸೂರ್ಯನ ಆರಾಧನೆ ಮಾಡಿದನೆಂದು ರಾಮಾಯಣದಲ್ಲಿ ಹೇಳಿದೆ.

ಸೂರ್ಯಾರಾಧನೆ ಮಾಡಿ, ಚಿನ್ನ ನೀಡುವ ಶಮಂತಕಮಣಿ ಪಡೆದ ಸತ್ರಾಜಿತನ ಕಥೆ ಹರಿವಂಶದಲ್ಲಿ ಬಂದಿದೆ.

 ಮಯೂರನೆಂಬ ಕವಿ ಸೂರ್ಯಶತಕವೆಂಬ ಗ್ರಂಥ ಬರೆದು ಕಳೆದುಕೊಂಡ ಕಣ್ಣನ್ನು ಮತ್ತೆ ಪಡೆದನೆಂದು ಹೇಳುತ್ತಾರೆ.

ಶ್ರೀರಾಮ ಸೂರ್ಯವಂಶದವನಾದರೆ ಕರ್ಣ, ಸುಗ್ರೀವ, ನವಗ್ರಹಗಳಲ್ಲಿ ಶನಿ ಹಾಗೂ ಯಮ ಸೂರ್ಯನ ಪುತ್ರರಾಗಿದ್ದಾರೆ.

 

ರಥಸಪ್ತಮಿಯಂದು ಸೂರ್ಯೋದಯಕ್ಕೆ ಸರಿಯಾಗಿ ನದಿ, ಸಮುದ್ರ, ಸರೋವರ, ಸಂಗಮ ಮುಂತಾದೆಡೆ ಸ್ನಾನ ಮಾಡಿ ಸೂರ್ಯನಿಗೆ ಅರ್ಘ್ಯ ನೀಡಿದರೆ ಪೂರ್ವ ಜನ್ಮದ ಪಾಪಗಳು ಹಾಗೂ ಈ ಜನ್ಮದ ಸಕಲ ದುಃಖಗಳು ಪರಿಹಾರವಾಗುತ್ತವೆ.

ಸೂರ್ಯೋದಯಕ್ಕೆ ಮಾಡುವ ಮಾಘಸ್ನಾನ ತುಂಬಾ ಪುಣ್ಯಪ್ರದವಾದುದು. ಆಯುಷ್ಯ, ಆರೋಗ್ಯಸಂಪತ್ತು ಲಭಿಸುವುದಲ್ಲದೇ, ಸೂರ್ಯನ ಅನುಗ್ರಹ ಪ್ರಾಪ್ತಿಯಾಗುತ್ತದೆಂದು ಪುರಾಣಗಳು ಸಾರಿ ಸಾರಿ ಹೇಳುತ್ತಿವೆ.

ಸೂರ್ಯನ ಆರಾಧನೆ ಋಗ್ವೇದದ ಕಾಲದಿಂದಲೂ ಪ್ರಚಲಿತದಲ್ಲಿದೆ.

ಪ್ರಾಚೀನ ವೈದಿಕ ಧರ್ಮದಲ್ಲಿ ಸೂರ್ಯನಿಗೆ ಅತ್ಯಂತ ಪ್ರಾಮುಖ್ಯತೆ ಇತ್ತು. ಆತನ ಆರಾಧನೆಯಿಂದಲೇ ಸೌರ ಪಂಥ ಹುಟ್ಟಿದ್ದು. ಕಾಲ ಗಣನೆಯಲ್ಲಿ ಸೌರಮಾನ ಎಣಿಕೆ ಇಂದಿಗೂ ಇದೆ.

ಇನ್ನು, ‘ಭೂರ್ಭುವಸ್ವಃ'. . . ಎಂಬಮಂತ್ರದಲ್ಲಿ  ಗಾಯತ್ರಿ ಮಂತ್ರದಲ್ಲಿನ ಪ್ರತಿಶಬ್ದವು ಸೂರ್ಯನ ಸಾಮರ್ಥ್ಯಗಳನ್ನು ಕೊಂಡಾಡುತ್ತದೆ.

ಎಕ್ಕದೆಲೆಯ ಸ್ನಾನ ಸೂರ್ಯನ ಕಿರಣಗಳಲ್ಲಿನ ಸತ್ವಗಳನ್ನು ಹೀರಿಕೊಂಡಿರುವ ಅರ್ಕದೆಲೆ ಅಥವಾ ಎಕ್ಕದೆಲೆಗಳನ್ನು ತಲೆ, ಭುಜ, ಕತ್ತು, ಕಂಕುಳು, ತೊಡೆ, ಪಾದಗಳ ಮೇಲಿರಿಸಿ ಸ್ನಾನ ಮಾಡುವುದು ರಥಸಪ್ತಮಿಯ ವಿಶೇಷತೆಗಳಲ್ಲೊಂದು.

ಎಕ್ಕದ ಎಲೆಗಳಿಗೆ ಚರ್ಮಕ್ಕೆ ಸಂಬಂಧಿಸಿದ ಸಮಸ್ಯೆಗಳನ್ನು, ರೋಗಗಳನ್ನು ನಿವಾರಿಸುವ ಸಾಮರ್ಥ್ಯವಿದೆ, ಅಷ್ಟೇ ಅಲ್ಲದೇ, ದೇಹದಲ್ಲಿನ ಕೀಲು ನೋವು, ಹಲ್ಲು ನೋವು, ಹೊಟ್ಟೆ ನೋವುಗಳಿಗೂ ಸಹ ಎಕ್ಕದ ಗಿಡ, ಅದರ ಎಲೆಗಳಲ್ಲಿರುವ ಔಷಧೀಯ ಅಂಶಗಳಿಂದ ಪರಿಹಾರ ಕಂಡುಕೊಳ್ಳಬಹುದಾಗಿದೆ.

ಹೀಗಾಗಿಯೇ ಈ ದಿನ ಎಕ್ಕದೆಲೆಯ ಸ್ನಾನಕ್ಕೆ ಮಹತ್ವ ನೀಡಲಾಗಿದೆ.

ದೇವರೆಲ್ಲಿದ್ದಾನೆ ಎಂದು ಪ್ರಶ್ನಿಸುವ ಬದಲು ಪ್ರತ್ಯಕ್ಷವಾಗಿ ಕಾಣುವ ದೈವೀ ಸ್ವರೂಪಗಳಾದ, ಯಾವುದೇ ಜಾತಿಭೇದ, ಧರ್ಮದ ಚೌಕಟ್ಟಿಲ್ಲದ ಸೂರ್ಯ, ಚಂದ್ರ, ವೃಕ್ಷ, ಬೆಟ್ಟ, ನದೀನದಗಳ ಆರಾಧನೆಯನ್ನು ನಮ್ಮ ಪೂರ್ವಿಕರು ಆಚರಣೆಗೆ ತಂದಿರುವುದು ಎಷ್ಟೊಂದು ಅರ್ಥಪೂರ್ಣವಾಗಿದೆಯಲ್ಲವ?

ಸಪ್ತ ಸಪ್ತ ಮಹಾಸಪ್ತ

ಸಪ್ತ ದ್ವೀಪ ವಸುಂಧರ

ಸಪ್ತಾರ್ಕ ಪ್ರಣಮಾಧ್ಯಾಯ

ಸಪ್ತಮಿ ರಥ ಸಪ್ತಮಿ

ಎಂದು ಈ ಶ್ಲೋಕವನ್ನು ಹೇಳಿಕೊಂಡು  ತಲೆಗೆ ಸ್ನಾನ ಮಾಡಿದರೆ ಓಳ್ಳಯದು

ಈ ಮೇಲಿನ ಎಲ್ಲಾ ಸಂಗತಿಗಳನ್ನು ಓದಿ, ನಿಮ್ಮ  ಕುಟುಂಬ, ಬಂದು, ಬಳಗ, ಮತ್ತು ವಿಶೇಷ ವಾಗಿ ಇಂದಿನ ಮಕ್ಕಳಿಗೆ ಮನವರಿಕೆ ಮಾಡಿ.

ನಮ್ಮ ಸಂಸ್ಕೃತಿ ಉಳಿಸಲು ನಿಮ್ಮ ಕೊಡುಗೆ ಇರಲಿ.